قر مەملەكەتتٸك حاتشىسى قىرىمبەك كٶشەرباەۆ ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييانىڭ كەزەكتٸ وتىرىسىن ٶتكٸزدٸ, دەپ حابارلايدى اقوردا.
وتىرىستا ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييانىڭ اقپاراتتىق جۇمىسى مەن عىلىمي-باسپا قىزمەتٸنٸڭ باسىمدىقتارى جەنە كوميسسييانىڭ شەشٸمدەرٸن ٸسكە اسىرۋ بارىسى تالقىلاندى.
وتىرىستىڭ نەگٸزگٸ سپيكەرلەرٸ رەتٸندە بٸلٸم جەنە عىلىم مينيسترٸ اسحات ايماعامبەتوۆ, مەدەنيەت جەنە سپورت مينيسترٸ اقتوتى رايىمقۇلوۆا, اقپارات جەنە قوعامدىق دامۋ ۆيتسە-مينيسترٸ كەمەلبەك ويشىباەۆ, پارلامەنت مەجٸلٸسٸنٸڭ دەپۋتاتى ايدوس سارىم ت.ب سٶز سٶيلەدٸ.
قىرىمبەك كٶشەرباەۆ ٶز سٶزٸندە مەملەكەتتٸك كوميسسييانىڭ قىزمەتٸن اقپاراتتاندىرۋ مەسەلەسٸندە عىلىمي نەگٸزدٸلٸك پەن تاريحي وبەكتيۆتٸلٸكتٸ قامتاماسىز ەتۋ قاجەت ەكەنٸن ەرەكشە اتاپ ٶتتٸ.
سونىمەن قاتار مەملەكەتتٸك كوميسسييا وتىرىسىندا ارحيۆتەردەن تابىلعان عىلىمي-زەرتتەۋ ەڭبەكتەردٸ جاھاندىق تسيفرلىق كٸتاپحاناعا ەنگٸزۋگە, كٶركەم-پۋبليتسيستيكالىق شىعارمالاردى ىنتالاندىرۋ جٶنٸندەگٸ ارنايى جوبالاردى ٸسكە اسىرۋعا نازار اۋدارىلدى.
جيىن بارىسىندا ٶڭٸرلەردەگٸ ساياسي قۋعىن-سٷرگٸن تاريحىن زەرتتەۋ ماتەريالدارىن باسىپ شىعارۋ ٷشٸن مٷمكٸندٸكتەردٸ دامىتۋ جەنە جاستار اۋديتوريياسىنىڭ سۇرانىستارىنا باعىتتالعان اقپاراتتىق ورتا قالىپتاستىرۋ مەسەلەلەرٸ دە قارالدى.
وتىرىس قورىتىندىسى بويىنشا قر ٷكٸمەتٸنە, ٶڭٸرلەردٸڭ ەكٸمدەرٸنە اقپاراتتىق جۇمىستا مەملەكەتتٸك كوميسسييانىڭ ستراتەگييالىق باسىمدىقتارىن قامتاماسىز ەتۋگە, باسپاسٶز جەنە تسيفرلىق تەحنولوگييالاردىڭ كەڭ اۋقىمىن قولدانا وتىرىپ, كوميسسييانىڭ زەرتتەۋ ماتەريالدارى بويىنشا باسپا قىزمەتٸن كەڭەيتۋگە باعىتتالعان تاپسىرمالار بەرٸلدٸ.
