Qyrymbek Kósherbaev Saiasi qýǵyn-súrgin qurbandaryn tolyq aqtaý jónindegi Memlekettik komissiianyń jumys toptary jetekshilerimen kezdesti, dep habarlaidy "Ult aqparat" Aqordanyń resmi saityna silteme jasap.
Almaty qalasynda Qazaqstan Respýblikasynyń Memlekettik hatshysy – Saiasi qýǵyn-súrgin qurbandaryn tolyq aqtaý jónindegi Memlekettik komissiianyń tóraǵasy Qyrymbek Kósherbaev Memlekettik komissiianyń jumys toptary jetekshilerimen, ǵalymdarmen jáne sarapshylarmen kezdesý ótkizdi.
Kezdesý kezinde komissiianyń jumys barysy men ózekti máseleleri, onyń ishinde arhivterde, ásirese sheteldik muraǵattardaǵy zertteý jumystaryn egjei-tegjeili zerdeleý qarastyryldy. Óńirlik komissiialardyń jumysyn kúsheitý, olarǵa tiisti ádistemelik kómek kórsetý jóninde sheshim qabyldandy.
Sondai-aq Qyrymbek Kósherbaev ózderiniń ótinishteri boiynsha bir top mádeniet jáne ǵylym qairatkerlerin qabyldady.
