Qyzylorda oblysynyń ákimi Qyrymbek Kósherbaev aldaǵy jyldyń sáýir-mamyr aiynda óńirde smartfonǵa arnalǵan áinekter shyǵaratynyn zaýyt iske qosylatynyn málim etti, dep habalaidy Baq.kz agenttigi.
Aldymen óńir basshysy Qyzylordada shyny zaýytynyń qurylysy aiaqtalyp qalǵanyn atap ótti.
«Óńirde gadjetterge arnalǵan ýltra-áinek shyǵarylady. Jobanyń quny - 150 mln dollar. Men arnaiy zaýyttyń direktoryn shaqyrdym. Shyny zaýytynyń ashylýyna bailanysty kúdik boldy. Biraq Qyzylordada shyny zaýyty bolady. Qazirgi tańda zaýyttaǵy qurylys-montajdaý jumysy 90%-ke bitti. Zaýytqa 100%-ke qural-jabdyqtar jetkizildi», - dedi Qyrymbek Kósherbaev OKQ-de ótip jatqan brifingte.
Onyń aitýynsha, zaýyt 32 jyl boiy jumys isteýge qaýqarly eken.
«Meniń oiymsha, mundaǵy óndiris 32 jyl boiy toqtaýsyz jumys istei alady. Sondai tehnologiia bar. Zaýytty iske qosý úshin aýa temperatýarasy +20 gradýs bolýy kerek. Qudai qalasa, biz (aldaǵy jyldyń – avtor) sáýir-mamyr aiynda óndiristi iske qosamyz. Bul zaýyt óz salasynda Ortalyq Aziiada monopolist bolady», - dep túiindedi sózin oblys ákimi.
Aita keteiik, osyǵan deiin biz Qyzylorda oblysynda smartfonǵa arnalǵan áinekter shyǵaratyn zaýyt salynatynyn habarlaǵanbyz.
