Qazaqstan halqy Assambleiasy keńesiniń keńeitilgen otyrysynda Memlekettik hatshy Qyrymbek Kósherbaev Qasym-Jomart Toqaevtyń Prezident bolyp sailanǵanyna eki jyl tolǵanyn atap ótti, dep habarlaidy QazAqparat.
«Ózderińizge belgili, 2019 jyldyń 9 maýsymynda memleketimizdiń jańa basshysy Qasym-Jomart Kemeluly Toqaevtyń búkilhalyqtyq sailaýdyń qorytyndysymen Prezident bolyp sailanǵanyna eki jyl toldy. Bul tarihi sát taǵylymy mol sabaqtastyqtyń, saiasi baǵdardy saqtai otyra, úndestiktiń, ádilettiliktiń jáne damýdyń printsipterine negizdelgen jańa basqarý ádisin qalyptastyrýda, jańa zamannyń jańa shaqyrýlaryna laiyqty jaýap berýge múmkindik berýde.
Elbasynyń sessiiada sóilegen sózin tatýlyq pen kelisim saiasatynyń máni men mazmunyn túsindirýde, sondai-aq jahandaný jaǵdaiyndaǵy integratsiialyq qatynastarda qazaq halqyn ózek retinde qalyptastyrýda paidalanýǵa ábden bolady», - dedi Memlekettik hatshy.
