Qyrymbek Kósherbaev Azamattyq máseleler jónindegi komissiianyń kezekti otyrysyn ótkizdi, dep habarlaidy Aqorda.
Memlekettik hatshy Qyrymbek Kósherbaevtyń tóraǵalyǵymen Qazaqstan Respýblikasy Prezidentiniń janyndaǵy Azamattyq máseleler jónindegi komissiianyń kezekti otyrysy onlain rejiminde ótti.
Jiynda Qazaqstan azamattyǵyn alýǵa jáne odan shyǵýǵa tilek bildirgen adamdardyń ótinishteri qaraldy.
Komissiia otyrysynyń qorytyndysy boiynsha Memleket basshysynyń qaraýyna jaqyn jáne alys shetelderden kelgen ártúrli ulttardyń 955 ókilin elimizdiń azamattyǵyna qabyldaý týraly usynys engiziletin boldy.
Sondai-aq Komissiia 81 adamnyń Qazaqstan azamattyǵynan shyǵý týraly ótinishin qanaǵattandyrý týraly da usynym jasaidy.
