QR Prezidenti Ákimshiliginiń basshysy Qyrymbek Kósherbaev Shymkent qalasynyń burynǵy ákimi Ǵabidolla Ábdirahymovtyń otstavkasyna qatysty pikir bildirdi, dep habarlaidy Ult aqparat Tengrinews.kz –ke silteme jasap.
"Memleket basshysy Qasym-Jomart Kemeluly Toqaev atap ótkendei, qazir eń bastysy - halyq pen bilik arasyndaǵy dialog. Ǵabidolla Ábdrahymov elimizdiń basshylyǵy tarapynan qoldaýǵa ie bolyp, senimge ie bolǵanyn jaqsy bilesizder. Onyń elimizdegi eń joǵary jáne jaýapty laýazymdarǵa taǵaiyndalýy. Ókinishke qarai, ol muny jetkilikti túrde túsinbedi", - dedi Qyrymbek Kósherbaev.
Ol adamdardyń kópshiligi memleket kómegine muqtaj bolǵan kezde, Arys qalasyn qalpyna keltirý júrip jatqanda jáne Túrkistan damyp jatqanda Ábdrahymovtyń júris-turysy BAQ-tarda, áleýmettik jeliler men Internette egjei-tekjeili talqylanǵanyn atap ótti.
"Bul Memleket basshysynyń tapsyrmasyna qaishy keledi, jalpy alǵanda, biliktiń bedeline nuqsan keltiredi. Búginde Ábdirahymovqa kórsetilgen saiasi senim túgesildi", - dep atap ótti Prezident Ákimshiliginiń basshysy.
Kósherbaev halyqtyń biliktiń barlyq tarmaqtarynyń adal jumysyna laiyq ekenin atap ótti.
"Aimaq basshylary halyqtyń naǵyz qyzmetshisi bolýy jáne ózin osyndai jolmen ustaýy tiis", - dep túiindedi Kósherbaev.
Eske salaiyq, búgin Ǵabidolla Ábdrahymov qyzmetinen ketip, onyń ornyna Erlan Aitahanov kelgen edi.
