QR Bas memlekettik sanitar dárigeri Aijan Esmaǵambetova taza aýada da maska taǵyp júrýge keńes berdi, dep habarlaidy "Ult aqparat".
«Jabyq ǵimaratta qorǵanys maskasyn taǵyp júrý mindetti. Al kúndelikti sandardyń jaǵdaiǵa qarai qalyptasatynyn umytpaý kerek. Qazaqstanda tirkelgen aýrýdyń 70 paiyzy esh simptomsyz ótken. Iaǵni, aýrý belgileri bolmasa da, naýqastar infektsiia tasymaldaýshy bolǵan», - dedi bas sanitarlyq dáriger QR Densaýlyq saqtaý ministrliginiń Feisbýktegi baspasóz máslihatynda.
Onyń aitýynsha, Dúniejúzilik densaýlyq saqtaý uiymy ashyq aýada da maska taǵýǵa keńes beredi jáne onyń sebepterin de kórsetken.
«Adam bir minýtta 3-4 ret betin, kózin ustaidy jáne ony ózderi baiqamaidy. Ony qadaǵalap júrý de múmkin emes. Bet pen kózdi kir qolmen ustaý – infektsiiany juqtyrýdyń bir joly. Al maska aýyzdy, muryndy jaýyp turady jáne shań-tozańnan, infektsiiadan saqtaidy. Sol úshin kóshede de maska taǵyp júrý usynylady. Bul koronavirýs infektsiiasyn juqtyrý qaýpin azaitady», - dedi A. Esmaǵambetova.
