Foto: elements.envato.com
Ishki ister ministrligi Ákimshilik politsiia komitetiniń tóraǵasy Qaisar Sultanbaev Astanadaǵy kóshe mýzykanttaryna kórsetiletin qysymmen kúresýge, jaǵdaidy jeke baqylaýǵa alýǵa ýáde berdi, - dep habarlaidy Tengrinews.kz.
Osyǵan deiin áleýmettik jelilerde elordalyq mýzykantqa tártip saqshylary jaǵalaýdan ketýin suraǵan video jariialanǵan bolatyn. "Qazaqstan zańy boiynsha kóshe mýzykanty qaiyrshymen teńestiriledi eken", - dep elordalyq mýzykant videosynyń astyna pikir qaldyrǵan.
"Men jaǵalaýda, eski kópirdiń janynda oinadym. Maǵan politsiia qyzmetkeri bulai jasamaýymdy jáne Arbatqa da barmaýymdy eskertti. Nelikten munda oinai almaimyn degen suraqqa, politsiia qyzmetkeri bylai dep jaýap berdi: óitkeni osynda adamdar kóp júredi. Men Arbatta birneshe ret boldym, kiiz úidegi tokqa elektr gitara kúsheitkishti qosyp oinaýǵa tyrystym, sodan keiin ákimdikten adamdar kelip, bulai etpeý kerektigin aitty", - dep jazdy mýzykant.
Mýzykanttarǵa qatysty tyiymdar týraly suraqpen jýrnalister Senat otyrysynda Ishki ister ministrligi Ákimshilik politsiia komitetiniń tóraǵasy Qaisar Sultanbaevqa júgindi.
"Politsiia kóshe mýzykanttaryn qýyp júr. Mýzykanttardy zańsyz kásipkerlikpen ainalysty dep aiyptady. Bul qanshalyqty durys" - dep surady jýrnalister komitet basshysynan.
Sultanbaev mýzykanttardy oqýdan shyǵarý durys emes degen pikirmen kelisti. Ol jastardyń kókeiindegi túitkildi máseleni jeke zertteýge ýáde berdi.
"Meniń oiymsha, bul durys emes. Olarǵa bireý shaǵymdanǵan shyǵar. Múmkin, jaqyn mańda bireý turady. Olar qatty án aitady. Úlkender bar olar qalai demalsyn basqalar án aityp jatsa. Múmkin, shaǵymdar nemese aryzdar túsken. Sonymen qatar, kópirde án salý durys emes. Bul kóptegen kólik júretin nysan.
Eger bul jaiaý júrginshiler kópiri bolsa, onda sózim joq. Maǵan osy máseleni zertteýge ruqsat etińiz, siz maǵan qosymsha habarlasyńyzshy, men sizge jaýap beremin. Shyn máninde, bul qashan boldy, qandai jaǵdailarda. Naqty derektermen men sizge oqyp, esep beremin", - dep ýáde berdi Qaisar Sultanbaev.
