Búgin «Nur Otan» partiiasynyń ortalyq apparatynda belsendi jastar bas qosty. Otyrys barysynda elorda ataýynyń ózgerýi týraly oilaryn ortaǵa salyp, tarihi sátti qýanyshpen qabyldaǵandaryn jetkizdi.
Jastar uiymdarynyń jetekshileri men jas kóshbasshylar otyrys sońynda qazaqstandyq jastarǵa úndeý jasady.
***
Qurmetti qazaqstandyqtar!
Biz, jas kóshbasshylar, elimizdiń jas urpaǵy, Qazaqstannyń tereń tarihy men bai mádenietiniń jalǵastyrýshylary, qoǵam men memlekettiń joǵary múddelerin negizge ala otyryp, memleket pen Qazaqstan halyqtarynyń aldyndaǵy paryzymyzdy sezine otyryp, beibitshilik pen qoǵamdyq kelisimniń, birlik pen yntymaqtyń, damý men qundylyqtardyń mańyzdylyǵyn túsine, Qazaqstan Respýblikasynyń Tuńǵysh Prezidenti, Elbasy Nursultan Ábishuly Nazarbaevqa gúldengen Qazaqstan úshin, jas urpaqtyń damýyna qosqan zor úlesi úshin erekshe qurmet pen alǵys bildire otyryp, tarihymyzdyń osy mańyzdy kezeńinde Qazaqstan jastaryna Úndeýimizdi joldaimyz.
Biz búgingi Qazaqstannyń senimdi seriktes, Ortalyq Aziiadaǵy beibitshilik pen turaqtylyqty qamtamasyz etýde aitarlyqtai orny bar halyqaralyq qarym-qatynastardyń jaýapty jáne teń quqyly qatysýshysy, janjaldyq ahýaldy sheshýge jáne ulttardyń beibit jaǵdaida birge ómir súrýine belsendi yqpal etetin memleketke ainalýy Qazaqstan Respýblikasy Tuńǵysh Prezidentiniń airyqsha róli, saiasi erik-jigeri men qajyrly eńbeginiń nátijesi dep bilemiz.
Biz, jas qazaqstandyqtar, qoǵamdyq kelisim men saiasi turaqtylyqtyń, etnosaralyq jáne konfessiiaaralyq beibitshiliktiń, búkil halyqtyń igiligine baǵyttalǵan ekonomikalyq ósýdiń jáne qazaqstandyq patriotizmniń myzǵymastyǵy syndy el damýynyń negizin qalaýshy qaǵidattarǵa súiene otyryp, Qazaqstandy odan ári damytý úshin barlyq kúsh-jigerimizdi jumsaimyz.
Osy oraida, biz elorda ataýyn Qazaqstan Respýblikasynyń Tuńǵysh Prezidenti, Elbasy Nursultan Nazarbaevtyń qurmetine ózgertý týraly Parlament sheshimin, Prezident Jarlyǵyn qoldaimyz. Bizdiń - bir Elbasymyz, bir elimiz, bir halqymyz, bir taǵdyrymyz bar!
Biz, Elbasynyń jas jaqtastary, jas qazaqstandyqtardy táýelsiz Qazaqstannyń Tuńǵysh Prezidenti aiqyndaǵan strategiialyq baǵytqa qoldaý kórsetýde birlik, tatýlyq pen kelisim tanytýǵa shaqyramyz.
Biz táýelsizdikti nyǵaitý, eldi jańǵyrtý, árbir qazaqstandyqtyń ál-aýqatyn arttyrý úshin jaýapkershilikti qabyldaýymyz kerek. Biz adamnyń óz eli men halqyna qyzmet etpei, tolyqqandy baqytty bola almaidy dep esepteimiz.
«Nur Otan» partiiasynyń «Jas Otan» JQ,
QR Halyqaralyq «Bolashaq» stipendiiasy stipendiattarynyń qaýymdastyǵy, Qazaqstan jastarynyń kongresi,
Qazaqstan stýdentter aliansy, «Jas Ulan» birińǵai balalar men jasóspirimder uiymy,
«Jasyl el» jastar eńbek jasaqtary,
Qazaqstan halqy Assembleiasynyń «Jańǵyrý joly» respýblikalyq jastar qozǵalysy,
Qazaqstan KVN Odaǵy,
QR Ulttyq Delfii komiteti,
Nur-Sultan q. Jastar resýrstyq ortalyǵy,
Ulttyq eriktiler jelisi,
«Qazaqstan-2050» Jalpyulttyq qozǵalysy.
.jpeg)