Májilis tóraǵasy Erlan Qoshanov Tuńǵysh Prezident týraly zańnyń kúshin joiýǵa qatysty pikir bildirdi, - dep habarlaidy Massaget.kz portaly.
"Qazaqstannyń Tuńǵysh Prezidenti - Elbasy týraly" zań kúshi tolyǵymen joiylady. Ol kelesi jyldyń basynda bolady. Bilesizder, bul - konstitýtsiialyq zań, al konstitýtsiialyq zańdar Parlament palatalarynyń birlesken otyrysynda qabyldanady. Qańtarda palatalardyń birlesken otyrysy shaqyrylady", - dedi Qoshanov Májilis kýlýarynda jýrnalister suraǵyna jaýap berip.
Jýrnalister zań kúshi joiylǵannan keiin onyń kinási dáleldense, Tuńǵysh Prezident qylmystyq jaýapkershilikke tartylýy múmkin be degen saýal qoidy.
"Eger zań kúshin joisa, onda bul zańda kózdelgen immýnitettiń bári kúshin joiady. Ol kúshinde bolmaidy", - dep túsindirdi Májilis spikeri.
Osyǵan qatysty depýtat Aidos Sarym da pikir bildirdi.
"Elbasy mártebesin joǵaltqannan keiin ony sottaýǵa bola ma"- dep surady jýrnalister.
"Eger ol tikelei qylmys jasasa, mysaly, adamdy qaǵyp ketse, árine, bolady", - dep túsindirdi depýtat.
Sondai-aq, oǵan Tuńǵysh Prezidenttiń týystarynan derbes quqyǵy alyp tastala ma degen suraq qoiyldy.
"Onyń týystary siz ben biz siiaqty azamattar. Qylmys jasasaq, jaýapqa tartylamyz. (Demek, týystarynyń bári derbes quqyǵynan aiyryla ma? - Suraq.) Iá", - dep túsindirdi depýtat.
