Májilis tóraǵasy Erlan Qoshanov elimizdegi prezident sailaýyna qatysatyn oiy joq ekenin ashyp aitty, dep habarlaidy Ulysmedia.kz.
Májilistiń jalpy otyrysynan soń BAQ ókilderine suhbat bergen tóraǵa sailaýǵa qatyspaitynyn resmi túrde málimdedi.
«Amanat» partiiasy óz kandidatýrasyn usynady. Endi meniń qatyspaitynym belgili ǵoi. Eshbir sailaýǵa qatyspaimyn. Sizderge resmi túrde málimdeimin, biylǵy sailaýǵa da, budan keiingi sailaýǵa da qatyspaimyn. Biraq men sol sailaýǵa qatysatyn laiyqty tulǵany, laiyqty kandidatty qoldaimyn. Ony ózderińiz sezip turǵan shyǵarsyzdar. Ol – Qasym-Jomart Toqaev. Kelesi sailaýǵa baratyn bolsa, sol kisiniń kandidatýrasyn qoldaimyn», - dedi Erlan Qoshanov.
