© Sputnik / Abzal Kaliev
Májilis spikeri Erlan Qoshanov prezidentti 7 jyl merzimge sailaý týraly ózgeristi Konstitýtsiiaǵa biyl engizý kerek dep sanaidy, dep habarlaidy Sputnik Qazaqstan.
Májilis kýlýarynda jýrnalister spikerden "Prezident Qasym-Jomart Toqaev qai merzimge sailanýy múmkin" dep surady.
"Reformalardyń biri – Prezident ókilettiginiń merzimi. Bul memleketimizdiń bolashaǵy úshin óte qajet, óte mańyzdy. Óitkeni bizde prezidenttik basqarý formasy jumys isteidi. Sondyqtan osy mańyzdy ózgeris biylǵy sailaýdan bastalýy kerek dep esepteimin. Muny ári qarai 5 jylǵa soza berýdiń qajeti joq", - dedi Qoshanov.
Eger biyl bul júie engizilmei, prezident taǵy bes jylǵa sailansa, sailanǵan prezidenttiń bes jyldan keiin taǵy 7 jylǵa sailanýǵa quqyqtyq múmkindigi paida bolady. Bul nárseni de shekteýimiz kerek, dep jalǵastyrdy sózin spiker.
"Muny shekteý úshin reformany taǵy bes jylǵa sozbai, biyl 7 jyldyq merzimdi engizip, sonymen Prezident sailaýyn ótkizýimiz kerek dep oilaimyn", - dedi ol.
Buǵan deiin Memleket basshysy Qasym-Jomart Toqaev biyl kúzde kezekten tys Prezident sailaýy ótetinin jariialady. Ázirge saiasi dodanyń qashan ótetini belgisiz. Tiisti jarlyq shyqqan joq.
