Kólik politseileri Túrkiia azamatshasyn qos el azamattyǵyn paidalanǵany úshin ákimshilik jaýapkershilikke tartty, dep habarlaidy "Ult aqparat".
Almaty qalasynyń áýejaiynda jelilik politsiia bóliminiń qyzmetkerleri «Antaliia-Almaty» áýe reisimen ushyp kelgen Qazaqstan jáne Túrkiianyń qos azamattyǵy bar 1987 jyly týǵan áieldi anyqtady.
Oǵan qatysty QR ÁQBtK 496-babynyń 2-bóligi, iaǵni, Qazaqstan zańnamasynda belgilengen merzimde shetel azamattyǵyn alý faktisin habarlamaý boiynsha ákimshilik hattama toltyryldy.
Almaty qalasynyń mamandandyrylǵan aýdanaralyq ákimshilik sotynyń sheshimimen Túrkiia azamatshasy 5 jyl merzimge QR aýmaǵynan ákimshilik jolmen shyǵaryp jiberý túrindegi jaýapkershilikke tartyldy.
Aita keteiik, jyldyń basynan beri kólik politseileri qos el azamattyǵy bar 3 azamatty anyqtady, onyń ekeýi - Túrkiia, al bireýi - AQSh azamaty.
