Koronavirýstyń jańa tolqyny oryn alǵan jaǵdaida meditsinalyq kadrlar tapshylyǵy bolmaidy. Bul jaiynda QR Premer-Ministri Asqar Maminniń Májilis depýtattarynyń saýalyna bergen jaýabynda aitylǵan, dep habarlaidy "Ult aqparat".
«Koronavirýs infektsiiasymen kúres boiynsha meditsina mamandary qajettiligin qamtamasyz etý 28 myńdy quraidy. Professor-oqytýshylar quramynan (1 myńnan astam), rezidentterden (2 myń), eriktilerden (1 500) kadrlyq rezerv jasaqtaldy. Buǵan qosa, biyl memlekettik tapsyrys aiasynda bilim alǵan 2 328 túlek (onyń ishinde 88 anesteziolog, 26 infektsionist, 7 pýlmonolog jáne 208 epidemiolog) bólindi. 60 myńnan astam meditsina qyzmetkerine koronavirýspen bailanysty ózekti máseleler boiynsha qysqa merzimdi kýrstar ótkizildi», - dedi Premer-Ministr.
Onyń atap ótýinshe, meditsina kadrlaryn qaita daiarlaý kýrstarynda 150 epidemiolog, 100 infektsionist jáne 165 shuǵyl kómek dárigeri oqyp jatyr.
«Konsýltativtik jáne tájiribelik kómek kórsetý maqsatynda koronavirýspen kúres aiasynda jumyldyrylǵan kadrlar boiynsha biryńǵai málimet bazasy quryldy. Bul sharalar koronavirýs indetiniń jańa tolqyny oryn alǵan jaǵdaida meditsinalyq kadrlarǵa qajettilikti tolyq jabýǵa múmkindik beredi», - dedi Asqar Mamin.
