Eýropanyń birqatar eli koronavirýstyń taralýyna bailanysty shekteý sharalaryn keńeitip jatyr, dep habarlaidy "Ult aqparat" Qazaqstanda koronavirýstyń taralýyna jol bermeý jónindegi VAK jumysy týraly telegram kanalǵa silteme jasap.
2021 jyldyń 5 qańtarynan bastap Ulybritaniia úshinshi ret qatań karantinge jabyldy. Elde táýligine indet juqtyrǵandardyń 60 myńnan astam jańa deregi tirkelýde. Ulybritaniia úkimetiniń bas meditsinalyq keńesshisi Kris Ýittidiń aitýynsha, Angliiada árbir 50 adamnyń bireýi koronavirýs infektsiiasyn juqtyrǵan.
Germaniiada biligi de shekteý sharalaryn keńeitip jatyr. Germaniia Kantsleri Angela Merkel jalpyulttyq karantindi qańtardyń sońyna deiin uzartatynyn jáne indettiń taralýyn toqtatý úshin jańa, qatań sharalar engiziletinin málimdedi. Dúkender men meiramhanalar, sondai-aq mektepter qańtardyń sońyna deiin jabyq, oqýshylar qashyqtyqtan oqýǵa aýystyrylǵan.
Frantsiia memleketi ekpe egý qarqynyn jedeldetýge tyrysýda. El turǵyndary arasynda ekpege kúmánmen qaraýshylar basym, sondyqtan Frantsiiada vaktsinatsiia kórshiles Eýropa elderine qaraǵanda áldeqaida baiaý júrýde. Ekpe qabyldaǵan adam sany 3 myńnan aspaidy.
Germaniiada qazirdiń ózinde 270 myńǵa jýyq adam ekpe alsa, Ulybritaniiada millionnan astam adam ekpelerin alǵan.
Búgingi kúni COVID-19 koronavirýsynyń «britandyq» shtamy álemniń 41 elinde anyqtalǵan.
