Bizge ujymdyq immýnitetti saqtap qalý kerek. Bul týraly Senattyń jalpy otyrysynan keiin tilshilerge suhbat bergen QR Densaýlyq saqtaý vitse-ministri — Bas memlekettik sanitarlyq dárigeri Aijan Esmaǵambetova málim etti, dep habarlaidy QazAqparat.
«Koronavirýsqa toqtalsaq, bul máseledegi qaýipsizdik adamdardyń ózine bailanysty. Bizge ujymdyq immýnitettti saqtap qalý kerek. Ol úshin vaktsina saldyrǵan durys nemese ravaktsinatsiia jasaý mańyzdy. Atap aitqanda, koronavirýs infektsiiasynyń taralýy jaiynda dál qazir eshbir maman naqty paiymyn aita almaidy», - dedi A. Esmaǵambetova.
Osy oraida ol infektsiianyń taralýy ahýalyna bailanysty eki stsenarii bar ekenin aitty.
«Iaǵni koronavirýs mýtatsiiaǵa ushyrap jatqanyn kórip turmyz. Degenmen virýs quramy men onyń patogendiginiń tómendeýi jaqsy nyshan. Alaida virýstyń áli de mýtatsiiaǵa ushyrap jatqany bizdi alańdatyp otyr. Bul óz kezeginde virýsty birjola jeńdik dep senimdi túrde aitýǵa múmkindik bermeidi», - dedi Bas memlekettik sanitarlyq dáriger.
