QR Bas memlekettik sanitar dárigeri Aijan Esmaǵambetova koronavirýstyń taralǵanyna kúmán keltiretinderge jaýap berdi, dep habarlaidy "Ult aqparat".
«Statistikadan qashyp qutylýǵa bolmaidy. Koronavirýs álemniń 215 memleketine tarady. Epidemiia jariialandy. 5,5 millionnan astam juqtyrý jaǵdaiy tirkeldi. 350 myńnan astam adam qaitys boldy. Munyń barlyǵy koronavirýstyń qandai mańyzdy ekenin kórsetpei me? Iá, Qazaqstandaǵy jaǵdai turaqty, sebebi bizde qamdanatyn ýaqyt boldy. Qytaidaǵy indet jeltoqsannyń sońynda, qańtarda bastalyp, kórshiles áriptesterden kóp nárse úirendik. Bul ýaqytta arnaiy baza men mamandardy, zerthanalardy ázirledik. QR Prezidenti der kezinde tótenshe jaǵdai jariialady. Barlyq áleýmettik qarym-qatynasty shektedik, jumysqa barmadyq. Kóptegen nysandardyń jumysy toqtady. Munyń barlyǵy jappai juqtyrý men ólim-jitimniń aldyn alýǵa kómektesti», - dedi bas sanitarlyq dáriger QR Densaýlyq saqtaý miinstrliginiń Feisbýktegi baspasóz máslihatynda.
Degenmen bul sharalar koronavirýs infektsiiasynyń joǵalyp ketkenin bildirmeidi. TJ rejiminen shyqsaq ta, karantin sharalaryn saqtaý kerek.
«Eger aýrý juqtyrý deńgeii taǵy kóbeise, burynǵy qatań karantindik sharalarǵa oralýǵa májbúr bolamyz. Koronavirýstyń qandai qaýipti ekenin baǵamdaýymyz kerek. Barlyq erejelerdi ustaný qajet, olar asa qiyn da emes. Qol tazalyǵy, áleýmettik ara qashyqtyq bizdiń ómir saltymyzǵa enýi kerek. Virýsty qanshalyqty eńseretinimiz ózimizge tikelei bailanysty», - dedi Aijan Esmaǵambetova.
