QR DSM Qoǵamdyq densaýlyq saqtaý ulttyq ortalyǵy direktory Damir Kóbjasarov koronavirýstyń ekinshi tolqyny qai kezde kelýi múmkin ekenin aitty, dep habarlaidy "Ult aqparat".
«Indet juqtyrý kórsetkishteri artýynyń ekinshi kezeńi kúz merziminiń ekinshi bóligine kelýi múmkin. El halqy virýstyń bar ekenin umytpaýy kerek. Bul indet barsha álemde tolyqtai joiylmady. Keibir adamdarda bul aýrý eshbir belgilersiz bolady, keiinnen bul infektsiia aǵzasy indetke sezimtal kisilerge juǵýy múmkin», - dedi D. Kóbjasarov onlain tártipte ótken brifingte.
Sonymen qatar sarapshy epidemiologiialyq jaǵdaiǵa qatysty ońtaily pikir bildirdi.
«Búginde adamdar indetten saýyǵyp, úilerine oralyp jatyr. Iaǵni, ómir jalǵasýda, bizdiń densaýlyq saqtaý júiemiz, dárigerlerimiz ózderine júktelgen mindetti oryndap keledi. Densaýlyq jaǵdaiy nashar adamdar saýyǵyp, aiaǵyna turyp jatyr», - dedi ortalyq direktory.
