Koronavirýstyń birinshi tolqyny bolǵan kezde halyqty psihologiialyq turǵydan daiyndaǵan joqpyz. Bul týraly QR Profilaktikalyq meditsina akademiiasynyń akademigi, meditsina ǵylymdarynyń doktory, professor Erbolat Dálenov aitty, dep habarlaidy QazAqparat.
«Koronavirýstyń birinshi tolqyny bolǵan kezde biz halyqty psihologiialyq turǵydan daiyndaǵan joqpyz. Tek ol qashan keldi dep kútýmen boldyq. Aýrýdyń aldyn alý nemese odan saýyǵý adam psihologiiasyna tikelei bailanysty. Sondyqtan kóbimiz bul indettiń bar ekenine senbei, toi-tomalaq uiymdastyrdyq. Qazirgi jaǵdaida ádet-ǵurypqa salynyp, toi jasaý janashyrlyqtyń belgisi emes - ol mádeniettiń tómendigi», - dedi QR Profilaktikalyq meditsina akademiiasynyń akademigi Erbolat Dálenov.
Sondai-aq akademik koronavirýstyń ekinshi tolqynyna qatysty pikir bildirdi.
«Kúz mezgilinde, ásirese balalar arasynda tumaý kóbeiedi. Al ol óz kezeginde koronavirýsqa ulasýy múmkin. Sondyqtan indettiń jańa tolqyny mektep jasyndaǵy balalar arasynda jii taraý qaýpi bar. Sondai-aq, virýsty 50 jastan asqan azamattar jii juqtyrady. Buǵan qosa, biraz ýaqyt úi karantininde otyrǵan adamdardyń júikesi juqardy. Osy sebepti olar dalaǵa shyqqanda, ózgelermen qarym-qatynas jasaǵanda infektsiiany tez juqtyrýǵa beiim. Munyń aldyn alý úshin qazirgi tańda S, E, A jáne tsink vitaminderin qabyldaý kerek. Sebebi koronavirýs adam aǵzasyndaǵy usaq tamyrlardy zaqymdaidy. Al bul dárýmender tamyr qabyqshasyn qataitýǵa múmkindik beredi» , - dep atap ótti Erbolat Derbisáliuly.
