Saiajailarda kóbinese egde jastaǵy adamdar turady. Bul týraly Qostanai oblysy aýmaǵyna karantin engizýge qatysty ótken onlain brifingte aityldy, dep habarlaidy "Ult aqparat".
«Óndiristik kásiporyndar jumysshylaryn úiden jumysqa, jumystan úigem aparyp tastai alatyn jaǵdaida jumys istei alady. Al saiajai ýchaskelerine keletin bolsaq, ol jaqta kóbinese 60 jastan asqan adamdar turady. Bul – koronavirýs juqtyrý jáne odan kóz jumý qaýpi joǵary top. Jetiqaradaǵy jaǵdai aýrý belgileri qanshalyqty jyldam paida bolyp, onyń aldyn alý múmkin bolmai qalatynyn kórsetti. Koronavirýstyń belgileri eshqandai logikaǵa kelmeidi», - deidi Qostanai oblysy bas sanitarlyq dárigeri Vladimir Nechitailo.
Ol oblysta aýrýdyń taralýy boiynsha monitoring júrgizilip otyrǵanyn aitty.
«Biz qazir kún saiyn monitoring júrgizemiz, tipti jaǵdaiy qanaǵattanarlyqqa jaqyn jas adamdarǵa da monitoring júrgizemiz. Tájiribemizge súiensek, 7-13 táýlik aralyǵynda aldyn ala boljanbaǵan jaǵdailar oryn alýy múmkin, sol sebepti egde jastaǵy adamdarǵa táýekel etip, saiajaiǵa barmaýdy ótiner edim», - deidi ol.
