Qazaqstandyq ǵalymdar personaldy jáne preventivti meditsina arqyly COVID-19 baqylaý, aldyn alý men emdeýdiń qazaqstandyq ádisin ázirlemek, dep habarlaidy "Ult aqparat" Densaýlyq saqtaý ministrliginiń baspasóz qyzmetine silteme jasap.
Búgin Almatyda QR Densaýlyq saqtaý ministri Eljan Birtanovtyń qatysýymen 2020-2022 jyldarǵa arnalǵan «Qazaqstanda personaldy jáne preventivti meditsina engizý týraly» ǵylymi-tehnikalyq baǵdarlamaǵa arnalǵan keńes ótti.
Ministr bastaǵan top pen respýblikalyq ǵylymi qoǵamdastyq bakteriologiia, virýsologiia, immýnologiia jáne molekýlalyq genetika máselelerin talqylady.
Negizgi baiandamashy S.D. Asfendiiarova atyndaǵy QazUMÝ ǵylym jáne tsifrlandyrý jónindegi prorektory B. Júsipov 2020-2022 jyldarǵa arnalǵan «Qazaqstan Respýblikasynda personaldy jáne preventivti meditsina engizý týraly» ǵylymi-tehnikalyq baǵdarlama usyndy.
Ǵylymi jobanyń maqsaty - densaýlyq saqtaý salasyna genomdyq, jasýshalyq jáne aqparattyq tehnologiialarmen birge personaldy meditsina engizý, sondai-aq negizgi infektsiialyq emes aýrýlardyń jáne COVID-19 profilaktikasyn, terapiiasyn basqaratyn sheshimder ázirleý.
Baǵdarlama iske assa, epidemiologiialyq, ekonomikalyq, normativtik quraldardy qoldanyp, genetikalyq faktorlardy eskere otyryp, áleýmettik mańyzy bar aýrýlar men COVID-19, negizgi nozologiialar boiynsha Qazaqstanda personaldy profilaktika men terapiiany engizý úshin dáleldeme bazasyn, onyń ishinde otandyq referenttik genom qurylady.
Sondai-aq, adamnyń genetikalyq erekshelikterin eskere otyryp antidenelerdiń taralýyn, virýstyń jáne aýrýdyń dárejesine áser etetin, COVID -19 baqylaý, aldyn alý jáne emdeý ádisterin ázirleý máselesi qaraldy. Sozylmaly derti bar patsientterdi emdeý nátijesin jaqsartý úshin olardyń jeke sipattamalaryn eskeretin jasandy intellekt engizý de talqylandy.
Keńeske elimizdegi jetekshi ǵylymi uiymdar: Densaýlyq saqtaý ministrligine qarasty joǵary oqý oryndary men ǵylymi ortalyqtardyń qyzmetkerleri, ǵalymdar, ministrliginiń vedomstvolyq uiymdary qatysty.
Kezdesý sońynda Eljan Birtanov qatysýshylarǵa alǵys bildirdi. COVID-19 diagnostikalaý men emdeý úshin jańa ǵylymi komponenttiń óte mańyzdy ekenin jáne ol praktikada asa qajettigin eskerdi.
Ministrdiń aitýynsha, koronavirýs infektsiiasyn ǵylymi zertteýler virýspen kúresýdiń jáne onyń taralýyn tejeýdiń tyń jolyn kórsetedi. Birtanov ǵylymi tájiribeni preventivti meditsinaǵa tezirek implementatsiialaý úshin tiisti uiymdarmen birge institýtsionaldyq rásimderdi iske qosýdy jáne QR DSM janynan epidemiologiia men bioqaýipsizdik máseleleri boiynsha mamandandyrylǵan konsýltattsiialyq-keńes qurýdy tapsyrdy.
