Densaýlyq saqtaý ministri Eljan Birtanov Qazaqstanda koronavirýsty aýrý belgisi joq kúide kóteretin adamdardy oqshaýlaý merzimi qysqartylǵanyn málim etti, dep habarlaidy QazAqparat.
«Bizdiń nazarymyzdy aýdartqany: kóptegen elde koronavirýs infektsiiasyn anyqtaý ádistemesi – meditsinalyq uiymdarǵa JRVI-diń jótel nemese dene qyzýy sekildi belgilerimen kelgen patsientterdiń ishinen anyqtaýǵa negizdelgen. Sol naýqaspen jaqyn qarym-qatynasta bolǵan adamdar da zertteledi. Osylaisha naýqastar tirkeledi. Al biz Qazaqstanda epidemiianyń sharyqtaý sheginde, iaǵni sáýir aiynyń ekinshi jartysynda jabyq ujymdarda belsendi testileý baǵdarlamasyn bastadyq. Infektsiianyń jasyryn oshaqtaryn tabý úshin saý adamdardyń ózi de testten óte bastady», - deidi Eljan Birtanov Densaýlyq saqtaý ministrliginiń Facebook paraqshasynda «Habar 24» arnasy tilshisiniń suraǵyna jaýap bere otyryp.
Eljan Birtanov jumysy toqtamaǵan uiymdar men kásiporyn ujymdarynyń ishinde jasyryn oshaqtardyń bolýy múmkin ekenine boljam jasalǵanyn aityp ótti. Aqyry boljam rastalyp, koronavirýs infektsiiasyn aýrý belgisi joq kúide kóteretin adamdardyń kóp ekeni anyqtalǵan.
«Bizdiń eldegi ósim – koronavirýs infektsiiasyn simptomsyz kóteretin adamdardyń tirkelýimen tikelei bailanysty. Qazirgi tańda biz kúnine tegin 25 myńnan astam adamdy testten ótkizemiz. Kúnine koronavirýs infektsiiasyn juqtyrǵan shamamen 300 adamnyń 80 paiyzy ony aýrý belgisi joq kúide kóteretini anyqtaldy. Olar aýrýdy sezbeidi. Álbette bul kórsetkishter taldaý jumystaryn kúsheitýge májbúr etti. DDU-nyń standartyna sáikes bul adamdar oqshaýlanǵan. Áý basta biz olardy infektsiialyq aýrýhanaǵa oqshaýlasaq, qazir bul amaldan bas tartyp, karantindik nysandarǵa jatqyza bastadyq nemese úilerinde baqylaýda ustadyq. Sol sebepti Qazaqstanda tirkelgenderdiń kóbin naýqastar men virýsty alyp júrýshiler dep aitýǵa bolady», - dedi ol.
Osyǵan bailanysty Qazaqstan virýspen kúrestiń taktikasyn ózgertken.
«Keshe ǵalymdardyń bárimen kelisip, koronavirýsty aýrý belgisi joq kúide kóteretin adamdardy infektsiialyq statsionarǵa jatqyzbaýdy jón dep sheshtik. Olarǵa intensivti terapiia qajet emes. Ýchaskelik dárigerler olardy úilerinde baqylai beredi. Eger aýrý belgileri paida bolyp jatsa, aýrýhanaǵa jatqyzýǵa bolady. Zertteý kórsetip otyrǵandai «belsendi» naýqastardan qaraǵanda bul adamdar asa qaýipti emes. Osyǵan bailanysty olardy oqshaýlaý merzimin 10 kúnge úiinde baqylaityn bolamyz. Onynshy kúni onyń úiine dárigerler kelip, test alady. Ol kezde adam jazylyp ketse, ol baqylaýdan alynady. Eger test onyń «oń» nátijeni kórsetip tursa, biz ony ary qarai baqylaimyz», - dedi Eljan Birtanov.
