Koronavirýsty toqtatý virýstyń aqýyzdaryna adamnyń aǵzasyn jaýlap alýǵa múmkindik bermeitin preparattardyń kómegimen jasalýy tiis, dep jazady The Atlantic.
«29. Bul - jańa koronavirýs quramyndaǵy adam aǵzasyna shabýyldaityn aqýyzdardyń sany. Iaǵni, 29 aqýyz ondaǵan myń proteinge qarsy shyǵady. Osy 29 aqýyz aǵzadaǵy kóp kletkany jaýlap alǵan saiyn, adamda aýrý asqyna beredi. Iaǵni, bul álemdegi 100 myńnan astam adamdy osy 29 aqýyz óltirdi deýge bolady», - dep jazady avtor.
Onyń aitýynsha, COVID-19-ǵa qarsy dári adam aǵzasynyń kletkalaryn basyp alýǵa múmkindik bermeitin proteinder arqyly jasalatyn bolady.
«Búkil álem ǵalymdary SARS-CoV-2 koronavirýsynyń álsiz tusyn tabýǵa tyrysyp jatyr. Úsh aidyń ishinde búkil álem zerthanalary virýstyń qurylymyn da anyqtady. Taǵy bir top ǵalymdar virýstan jazylyp shyqqandardyń qanyn zerttep jatyr. Qazirgi tańda 100-den astam preparattar COVID-19-ǵa qarsy qoldanylý múmkindigine tekserilip jatyr. Al naýryz aiynyń ortasynda eriktige «Modern» kompaniiasynyń vaktsinasy salyndy. Keibir ǵalymdar osy 29 aqýyz adam kletkasynyń ártúrli bólikterimen bailanysqa túsedi. Iaǵni, jańa dári adam aǵzasyn emes, virýsty joiýy kerek», - dep jazady basylym.
Kaliforniia ýniversitetiniń farmakology Kevan Shokattyń aitýynsha, bul virýstyń emdelýi rak terapiiasyna uqsaidy. Iaǵni, preparat adamnyń belgili bir kletkalaryn ǵana óltirýi tiis.
