QR Bas sanitarlyq dárigeri Jandarbek Bekshin koronavirýs indeti boiynsha álemdik statistikany jariialady, dep habarlaidy QazAqparat.
«Dúniejúzinde búgin túske deiin virýs juqtyrǵandar sany 17 459 adamǵa jetti. Odan 362 adam qaitys boldy jáne 483 adam tolyq jazylyp shyqty. Ólimge ákep soqqan 96 paiyz oqiǵa aýrýdyń oshaǵy bolǵan Hýbei provintsiiasynda tirkelgen», - dedi Jandarbek Bekshin Qazmedia ortalyǵynda ótken brifingte.
Onyń aitýynsha, álem boiynsha aýrýdy juqtyrǵandardyń 98,9 paiyzy – Qytai turǵyndary.
«Budan úsh qorytyndy jasaýǵa bolady: birinshiden, infektsiianyń taralýy jalǵasýda, biraq eń aldymen Hýbei provintsiiasyndaǵy Ýhan qalasynda tolyq jazylǵandar sany qaitys bolǵandar sanynan asyp tústi. Bul bizdi qýantady. Úshinshiden, Dúniejúzilik densaýlyq málimdemesine sáikes, Qytai úkimeti epidemiiany negizi aimaqta ǵana oqshaýlaýy kerek», - dedi bas sanitarlyq dáriger.
Buǵan deiin bas sanitarlyq dáriger Ýhan qalasynan evakýatsiialanǵan azamattardyń jaǵdaiy týraly aityp bergen edi.
Sondai-aq, 4 aqpannan bastap, Qazaqstan men Qytai arasyndaǵy áýe qatynasy toqtaidy.
