Kornavirýstan qaitys bolǵan áiel Aqmola oblysynyń turǵyny bolyp shyqty. Bul týraly QR Densaýlyq saqtaý ministrligi Taýarlar men kórsetiletin qyzmetterdiń sapasyn jáne qaýipsizdigin baqylaý komitetiniń Telegram arnasynan málim boldy.
«Búgin intensivti terapiianyń qoldanylýyna qaramastan aýrýhanada Aqmola oblysynyń 64 jastaǵy turǵyny, áiel adam qaitys boldy. Sebep – eki jaǵy tutasqan pnevmoniia, tynys alýynyń qiyndyǵy, qant diabeti kezindegi sepsis, ateroskleroz gipertoniiasy. Ókpeniń qabynýynyń sebebi – koronavirýs. Aqmola oblysynda turady dep jazylǵan bul patsient Nur-Sultan qalasynda oblystyq kópsalaly aýrýhanada jatty. Oqiǵa geografiialyq jaǵynan alǵanda Nur-Sultan qalasynda bolǵandyqtan tirkeý de osy jerde júrgizildi. Osyǵan qarai biz de meditsinalyq statistikamyzdy Aqmola oblysyna jatqyzyp otyrmyz. Osy sebepti erteń bifingte qosymsha málimetter aitylady», - delingen habarlamada.
