Koronavirýstan jazylǵandarǵa oraza ustaýǵa bola ma? Bul saýalǵa Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly jaýap berdi, dep habarlaidy "Ult aqparat".
«Dinimiz jeńildikti qalaidy. Eger koronvirýspen aýryp, jazylǵannan keiin densaýlyǵyńyz oraza ustaýǵa jarasa, esh kedergi joq. Oraza ustai berýińizge bolady. Al dáriger sizge qaýipti bolatyndyǵyn, immýnitetińiz álsiz ekendigin aityp, oraza ustaýǵa bolmaidy dese, ustamańyz. Immýnitetińizdi jaqsartyp, oraza bitkennen keiin de ustamaǵan kúnderińizdi tolyqtyryp alýyńyzǵa bolady», - dedi Naýryzbai qajy Taǵanuly Ortalyq kommýnikatsiialar qyzmetindegi brifing barysynda.
