Koronavirýstan aýyryp, jazylyp turǵandar da vaktsina alýy kerek pe? Bul saýalǵa búgin QR DSM Qoǵamdyq densaýlyq saqtaý ministrliginiń Qoǵamdyq densaýlyqty saqtaý ulttyq ortalyǵy direktorynyń orynbasary Ainagúl Qýatbaeva jaýap berdi, dep habarlaidy "Ult aqparat".
«Juqpadan keiin aǵzada qalyptasatyn immýnitet turaqsyz jáne az ýaqytqa ǵana jetkilikti ekendigin otandyq, sonymen qatar álem elderiniń de ǵalymdary tujyrymdap otyr. Sondyqtan 18-den 65 jasqa deiingi azamattar óziniń qyzmetine bailanysty, iaǵni meditsina qyzmetkeri, pedagog syndy koronavirýsqa qarsy vaktsina alý sanatyna jatatyn maman bolsa, onda olar koronavirýspen aýryp, emdelse de vaktsina alǵany durys. Óitkeni, olar vaktsinatsiiadan keiin aǵzada paida bolatyn immýnitet arqyly densaýlyǵyn qorǵai alady», - dedi ol Ortalyq kommýnikatsiialar qyzmetindegi baspasóz máslihatynda.
