Nur-Sultan qalalyq kópbeiindi №1 aýrýhanada koronavirýs indetinen tolyq saýyqqan sońǵy patsient búgin úiine shyǵaryldy, dep habarlaidy QazAqparat.
«Aýyryp qalǵanymdy bilgen sátte mamandandarǵa júginsem, emdelip shyǵamyn degen úmit boldy. Jasym 53-te, úreige boi aldyrǵan joqpyn. Jalpy ózimdi jaisyz seziný maýsymnyń 28-i kúni bastalǵan edi. Bastapqy ýaqytta úide em ala bastadym. Alǵashqyda jótel qysyp, odan keiin denem aýyrsynyp, álsizdik paida boldy. Sodan keiin iis sezýden qaldym. Tamyz aiynyń basynda aýrýhanaǵa júgindim», - dedi aýrýhanadan shyqqan elordalyq Baian Súbhanqulova BAQ ókilderine.
Onyń aitýynsha, aýrýhanaǵa kelgen kezde kompiýterlik tomografiia jasalyp, ókpesiniń zaqymdanǵany anyqtalǵan.
«Jalpy, men úiden kóp shyǵa bermeimin, otbasymyzben rejimdi saqtaimyz. Alaida bir jerde virýsty juqtyryp alǵanym anyq. Aýrýhanaǵa jatqyzylǵan soń emdeý sharalarynyń bárin aldym. Kez kelgen adam ómir súrý úshin jantalasady. Men de ómir súrgim keletindigin túsindim. Aldaǵy ýaqytta mundai indetpen eshkimniń aýyrmaýyn tileimin. Aǵzam kúshti, maǵan bul virýs juqpaidy dep oilaýshy edim. Oiymnyń aǵat ekendigin aýyryp turǵannan keiin túsindim. Aýrý-syrqaýsyz ótkizgen ár kúnim úshin qýanamyn», - dedi ol.
