نۇر-سۇلتان قالالىق كٶپبەيٸندٸ №1 اۋرۋحانادا كوروناۆيرۋس ٸندەتٸنەن تولىق ساۋىققان سوڭعى پاتسيەنت بٷگٸن ٷيٸنە شىعارىلدى, دەپ حابارلايدى قازاقپارات.
«اۋىرىپ قالعانىمدى بٸلگەن سەتتە مامانداندارعا جٷگٸنسەم, ەمدەلٸپ شىعامىن دەگەن ٷمٸت بولدى. جاسىم 53-تە, ٷرەيگە بوي الدىرعان جوقپىن. جالپى ٶزٸمدٸ جايسىز سەزٸنۋ ماۋسىمنىڭ 28-ٸ كٷنٸ باستالعان ەدٸ. باستاپقى ۋاقىتتا ٷيدە ەم الا باستادىم. العاشقىدا جٶتەل قىسىپ, ودان كەيٸن دەنەم اۋىرسىنىپ, ەلسٸزدٸك پايدا بولدى. سودان كەيٸن يٸس سەزۋدەن قالدىم. تامىز ايىنىڭ باسىندا اۋرۋحاناعا جٷگٸندٸم», - دەدٸ اۋرۋحانادان شىققان ەلوردالىق بايان سٷبحانقۇلوۆا باق ٶكٸلدەرٸنە.
ونىڭ ايتۋىنشا, اۋرۋحاناعا كەلگەن كەزدە كومپيۋتەرلٸك توموگرافييا جاسالىپ, ٶكپەسٸنٸڭ زاقىمدانعانى انىقتالعان.
«جالپى, مەن ٷيدەن كٶپ شىعا بەرمەيمٸن, وتباسىمىزبەن رەجيمدٸ ساقتايمىز. الايدا بٸر جەردە ۆيرۋستى جۇقتىرىپ العانىم انىق. اۋرۋحاناعا جاتقىزىلعان سوڭ ەمدەۋ شارالارىنىڭ بەرٸن الدىم. كەز كەلگەن ادام ٶمٸر سٷرۋ ٷشٸن جانتالاسادى. مەن دە ٶمٸر سٷرگٸم كەلەتٸندٸگٸن تٷسٸندٸم. الداعى ۋاقىتتا مۇنداي ٸندەتپەن ەشكٸمنٸڭ اۋىرماۋىن تٸلەيمٸن. اعزام كٷشتٸ, ماعان بۇل ۆيرۋس جۇقپايدى دەپ ويلاۋشى ەدٸم. ويىمنىڭ اعات ەكەندٸگٸن اۋىرىپ تۇرعاننان كەيٸن تٷسٸندٸم. اۋرۋ-سىرقاۋسىز ٶتكٸزگەن ەر كٷنٸم ٷشٸن قۋانامىن», - دەدٸ ول.
