Koronavirýstan emdelgen adamnyń boiynda qandai ózgerister bolýy yqtimal? Bul suraqqa Nur-Sultan qalalyq densaýlyq saqtaý basqarmasynyń basshysy Sáýle Qisyqova jaýap berdi, dep habarlaidy QazAqparat.
«Koronavirýs infektsiiasynan jazylǵannan keiin adamnyń boiynda onyń saldary baiqalady. Eń birinshi kezekte ol adamnyń jasyna bailanysty. Patsienttiń qandai kezeńde emhanaǵa túskeni de mańyzdy. Onyń boiynda qandai aýrýdyń órship ketkenine de kóp kóńil bólý kerek. Árine, immýndyq júiege qysym kúsheiedi. Koronavirýs juqtyrǵandardyń 4 paiyzǵa jýyǵy intensivti terapiiaǵa muqtaj. Buǵan deiin aitqanymdai, olar qazir jansaqtaý bóliminde jatyr. Olardy mamandar barynsha emdep, profildi bólimshelerge aýystyrady», - dedi Sáýle Qisyqova OKQ-da ótken baspasóz máslihatynda.
Sonymen qatar, basqarma basshysy koronavirýstan emdelip shyqqan kei azamattar ońaltý sharalarynan ótetinin málim etti. Ońaltý sharalarynan ótkizýdegi basty sebep – koronavirýstan keiin aǵzada paida bolǵan kemshilikti túzeý. Olar basqa aýrýhanalarda em alady.
