Koronavirýstan kóz jumǵandardyń 90 paiyzy egde jastaǵylar. Bul týraly Ortalyq kommýnikatsiialar qyzmeti alańynda ótken onlain brifingte professor, QR DSM-niń shtattan tys infektsionist-dárigeri Baqyt Kósherova aitty, dep habarlaidy QazAqparat.
«Biz bir jyldan astam ýaqyttan beri COVID-19 pandemiiasy jaǵdaiynda ómir súrip kelemiz. Koronavirýs infektsiiasyn profilaktikalaý boiynsha júrgizilip jatqan barlyq sharalar tiisti nátijege áli de jetkize qoiǵan joq. Infektsiialyq aýrýlarmen kúreste eń tiimdi jáne ǵylymi turǵyda negizdelgen ádisterdiń biri - vaktsinatsiia. Dál osy vaktsinatsiianyń arqasynda adamnyń immýniteti túziledi de juqpaly aýrýlarǵa qarsy tura alatyndai qaýqarly bolady, - dedi Baqyt Kósherova.
Halyqaralyq sarapshylardyń baǵalaýynsha, vaktsinatsiia jyl saiyn 2-3 mln ólim-jitim jaǵdaiynyń aldyn alýǵa septesedi eken.
«Qaraǵandydaǵy meditsinalyq ýniversitet Qazaqstan aýmaǵynda bolǵan ólim-jitim jaǵdailaryna qatysty zertteý júrgizgen. Zertteýge sáikes, qaitys bolǵandardyń 90%-y 60 jastan asqandar jáne COVID-19-dan kóz jumǵandardyń boiyndaǵy qosymsha aýrýlary kórsetkishine sáikes, olardyń birqatarynda arteriialyq gipertenziia derti bolǵan (66%). Shamamen, 50%-y artyq salmaqtan zardap shekken, al júrektiń ishemiialyq aýrýy men qant diabeti 40%-dy quraǵan. Jalpy alǵanda, kóz jumǵandaryń 60%-da eki nemese odan da kóp qosymsha derti bolǵan, - dedi ol.
Spikerdiń aitýynsha, koronavirýs infektsiiasymen aýyrǵandar arasyndaǵy eń álsiz top - egde jastaǵy azamattar. Sondyqtan, olar mindetti túrde ekpe saldyrýy qajet. Bul jalpy álemdik gýmanitarlyq tájiribe.
