Almatyda ótken onlain brifing barysynda qalalyq Qoǵamdyq densaýlyq basqarmasynyń basshysy Tileýhan Ábildaev koronavirýstan qaitys bolǵan aýrýhana qyzmetkeri týraly aitty, dep habarlaidy "Ult aqparat".
Kóz jumǵan áiel Ortalyq klinikalyq aýrýhananyń sharýashylyq jaǵynda qyzmet istegen.
Patsient COVID-2019 infektsiiasyna qarsy DSM belgilegen hattama boiynsha em qabyldaǵan.
«Halyq arasynda №12 atalyp ketken Ortalyq klinikalyq aýrýhananyń sharýashylyq bóliminiń qyzmetkeri 16 mamyrda bizdiń qalalyq klinikalyq infektsiialyq aýrýhanada qaitys boldy. Jalpy em-sharalar QR DSM bekitken protokolǵa sai tolyq jasaldy. Bul kisiniń boiynda basqa aýrýlar bolatyn», - dedi Tileýhan Ábildaev.
Basqarma basshysynyń aitýynsha, bul derek qalalyq Qoǵamdyq densaýlyq basqarmasynda komissiia tarapynan qaralyp, qorytyndysy QR DSM jiberildi.
«QR DSM emdik profilaktikalyq uiym departamenti tarapynan qorytyndy sheshim qabyldanǵannan keiin qandai sebeppen qaitys bolǵany anyqtalatyn bolady», - dedi T.Ábildaev.
Almatyda Ortalyq qalalyq klinikalyq aýrýhananyń lifteri koronavirýstan qaitys bolǵany týraly keshe jazǵan bolatynbyz.
