الماتىدا ٶتكەن ونلاين بريفينگ بارىسىندا قالالىق قوعامدىق دەنساۋلىق باسقارماسىنىڭ باسشىسى تٸلەۋحان ەبٸلداەۆ كوروناۆيرۋستان قايتىس بولعان اۋرۋحانا قىزمەتكەرٸ تۋرالى ايتتى, دەپ حابارلايدى "ۇلت اقپارات".
كٶز جۇمعان ەيەل ورتالىق كلينيكالىق اۋرۋحانانىڭ شارۋاشىلىق جاعىندا قىزمەت ٸستەگەن.
پاتسيەنت COVID-2019 ينفەكتسيياسىنا قارسى دسم بەلگٸلەگەن حاتتاما بويىنشا ەم قابىلداعان.
«حالىق اراسىندا №12 اتالىپ كەتكەن ورتالىق كلينيكالىق اۋرۋحانانىڭ شارۋاشىلىق بٶلٸمٸنٸڭ قىزمەتكەرٸ 16 مامىردا بٸزدٸڭ قالالىق كلينيكالىق ينفەكتسييالىق اۋرۋحانادا قايتىس بولدى. جالپى ەم-شارالار قر دسم بەكٸتكەن پروتوكولعا ساي تولىق جاسالدى. بۇل كٸسٸنٸڭ بويىندا باسقا اۋرۋلار بولاتىن», - دەدٸ تٸلەۋحان ەبٸلداەۆ.
باسقارما باسشىسىنىڭ ايتۋىنشا, بۇل دەرەك قالالىق قوعامدىق دەنساۋلىق باسقارماسىندا كوميسسييا تاراپىنان قارالىپ, قورىتىندىسى قر دسم جٸبەرٸلدٸ.
«قر دسم ەمدٸك پروفيلاكتيكالىق ۇيىم دەپارتامەنتٸ تاراپىنان قورىتىندى شەشٸم قابىلدانعاننان كەيٸن قانداي سەبەپپەن قايتىس بولعانى انىقتالاتىن بولادى», - دەدٸ ت.ەبٸلداەۆ.
الماتىدا ورتالىق قالالىق كلينيكالىق اۋرۋحانانىڭ ليفتەرٸ كوروناۆيرۋستان قايتىس بولعانى تۋرالى كەشە جازعان بولاتىنبىز.
