Koronavirýstan kóz jumǵan áielmen qarym-qatynasta bolǵan adamdardyń test nátijesi jariialandy, dep habarlaidy "Ult aqparat" Jedel shtabtyń Telegramm paraqshasyna silteme jasap.
Almaty oblysynda koronavirýstan kóz jumǵan áielmen qarym-qatynasta bolǵan 7 adam anyqtaldy. 27 naýryz kúni túnde 4 adamnyń test synamalarynyń nátijesi shyqty. Olardyń koronavirýs juqtyrmaǵany anyqtaldy. Alaida olar áli de dárigerlerdiń baqylaýynda bolady. Qalǵan adamdardyń test nátijesi áli daiyn emes.
26 naýryz keshkisin Nur-Sultanda 64 jastaǵy bir áiel adam Covid-19 dertinen qaitys boldy. Onyń koronavirýs juqtyrǵany qaitys bolǵan soń anyqtalǵan. Elde barlyǵy úsh naýqas: Almatyda - eki, Nur-Sultanda bir adam dertten aiyqty. Olardyń biri - 12 jasar qyz bala.
