Aqmola oblysynyń koronavirýstan qaitys bolǵan turǵynymen bailanysta bolǵan 16 jambyldyqtan alynǵan taldaý nátijesi shyqty, dep habarlaidy "Ult aqparat" oblys ákiminiń baspasóz qyzmetine silteme jasap.
Buǵan deiin habarlanǵandai, 15-18 naýryz aralyǵynda koronavirýstan qaitys bolǵan Aqmola oblysynyń turǵyny Jambyl oblysynyń Shý jáne Merki aýdandaryna kelip-ketken.
Meditsinalyq jáne epidemiiaǵa qarsy qyzmetter marqummen bailanysta bolǵan 16 adamdy anyqtady: Shý aýdanynda – 10, Merki aýdanynda – 6 adam. Olardan koronavirýs infektsiiasyna alynǵan taldaý qorytyndysy teris nátije kórsetti.
Azamattardyń jaǵdaiy birqalypty, infektsiia belgileri joq. Olar 14 kúndik karantindik statsionarǵa jatqyzylǵan.
Kelgen oryndarynda meditsinalyq qyzmetkerler epidemiiaǵa qarsy qajetti is-sharalar júrgizdi.
