Koronavirýstan kóz jumǵan 64 jastaǵy áielmen jaqyn aralasqandar anyqtaldy. Bul týraly Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Serik Omarhanov aitty, dep habarlaidy QazAqparat.
«Naýqaspen jaqyn aralasqan adamdar anyqtaldy. Olar otbasy músheleri jáne naýqas jatqan №2 kópsalaly oblystyq aýrýhana. Onymen bailanysta bolǵan adamdar aýrýhanaǵa jatqyzylyp, zerthanada tekserýden ótti. Olar meditsinalyq baqylaýda bolady», - deidi Serik Omarhanov Habar 24 telearnasynda ótken onlain brifingte.
Jerleý rásimi ótkennen keiin marqum áiel turǵan úi dezinfektsiialanady.
«Qazirgi ýaqytta epidemiiaǵa qarsy sharalar júzege asýda. Jerleý rásimi ótkennen keiin qaitys bolǵan áiel turǵan úige tolyq dizenfektsiia jasalady. Dizenfektsiiany Nur-Sultan qalasynyń Ulttyq saraptama ortalyǵy júrgizedi»,- deidi ol.
