Koronavirýstan qaitys bolǵan áiel Almatyǵa kelgende 6 adammen tyǵyz bailanysta bolǵan. Bul týraly qalalyq Qoǵamdyq densaýlyq saqtaý basqarmasynyń basshysy Tileýhan Ábildaev aitty, dep habarlaidy "Ult aqparat".
«Koronavirýstan qaitys bolǵan 64 jastaǵy áiel jaily aqparat bizge basqa óńirden keldi. Búginde Almaty boiynsha 6 jaqyn aralasqan adam anyqtaldy. Olardyń barlyǵy tolyq tekserý úshin provizorlyq emhanaǵa oqshaýlandy», - dedi basqarma basshysy.
Munyń aldynda 64 jastaǵy áielmen tyǵyz bailanysta bolǵan adamdar túgel oqshaýlanyp, turǵylyqty mekenjaiy tolyq zararsyzdandyrylatynyn jazǵan edik.
