Koronavirýstan qaitys bolǵan áieldiń naqty qai ýaqytta qudalyqta bolǵany anyqtaldy, dep habarlaidy "Ult aqparat".
«Koronavirýstan qaitys bolǵan áiel 14 naýryz kúni qudalyqta bolǵan. Qudalyq Almatyda ótken», - dedi Almaty oblysy ákiminiń baspasóz hatshysy Ǵalymurat Júkel.
Aita keteiik, buǵan deiin koronavirýstan qaitys bolǵan adammen qarym-qatynasta bolǵan eki adam Almaty oblysynda oqshaýlanǵanyn habarlaǵan bolatynbyz.
«Koronavirýstan qaitys bolǵan adammen qarym-qatynasta bolǵan eki adam Almaty oblysynda oqshaýlandy. Olar qazir aýrýhanada jatyr. Endi osy eki adammen qarym-qatynasta bolǵan taǵy bes adam anyqtaldy. Olar da dárigerlerdiń bqylaýynda. Barlyǵynyń analizderi tolyq alynǵan. Nátijesin kútýdemiz, daiyn bolǵanda qosymsha aqparat beremiz», - Almaty oblystyq Densaýlyq saqtaý basqarmasynyń baspasóz hatshysy Láilim Áýbákirova.
Esterińizge salsaq, 26 naýryz kúni elimizde áiel adam koronavirýs dertinen kóz jumdy. Ol Aqmola oblysy Qosshy aýylynyń 64 jastaǵy turǵyny. Málim bolǵandai, ol shetelge shyqpaǵan jáne JRVI, koronavirýs dertine shaldyqqandarmen bailanysta bolmaǵan. 13-17 naýryz aralyǵynda Almatyda jáne Shýda qonaqta bolǵan.
