COVID-19-ten qaitys bolǵan barlyq meditsina qyzmetkerleriniń týystary aqshalai ótemaqy aldy, dep habarlaidy Eńbek ministrliginiń baspasóz qyzmeti.
COVID-19-ǵa qarsy kúreste qaza tapqan barlyq 182 meditsina qyzmetkeriniń týystary Memlekettik áleýmettik saqtandyrý qorynan (budan ári-MÁSQ) 10 mln teńge mólsherinde birjolǵy tólem aldy. Sonymen qatar koronavirýs infektsiiasyn nemese virýstyq pnevmoniiany juqtyrǵan 5,3 myńnan astam meditsina qyzmetkerine Memlekettik áleýmettik saqtandyrý qorynan (MÁSQ) birjolǵy áleýmettik tólem berildi.
Budan buryn habarlanǵandai, joǵaryda atalǵan tólem tólenetin meditsina qyzmetkerlerin óńirlerdiń jáne respýblikalyq mańyzy bar qalalardyń densaýlyq saqtaý basqarmalary janyndaǵy arnaiy komissiialar aýyrǵan meditsina qyzmetkerlerin tekserý nátijeleri negizinde anyqtaidy. Ótinimderdi jinaqtaýdy QR Densaýlyq saqtaý ministrligi júzege asyrady, odan keiin ótinimder elektrondyq is maketterin qalyptastyrý úshin «Azamattarǵa arnalǵan úkimet» memlekettik korporatsiiasy» KEAQ-qa beriledi, sodan soń tólem taǵaiyndaý úshin MÁSQ-ǵa jiberiledi.
12 qazan saǵat 18.00-degi jaǵdai boiynsha MÁSQ COVID-19 nemese virýstyq pnevmoniia juqtyrǵan 5 334 meditsina qyzmetkeriniń ótinishi boiynsha jáne aýrýdyń saldarynan qaitys bolǵan 182 meditsina qyzmetkerine qatysty aqshalai qarajatty taǵaiyndaý men tóleýdi júzege asyrdy. Osylaisha, tólemderdi COVID-19-ben kúreste qaitys bolǵan barlyq meditsina qyzmetkerleriniń týystary aldy.
Óńirler bólinisinde meditsina qyzmetkerlerine COVID-19 nemese virýstyq pnevmoniiany juqtyrý jaǵdaiyna tólemderdiń eń kóp sany Nur-Sultan (1027) jáne Almaty (560) qalalary jáne Shyǵys Qazaqstan (480), Atyraý (465) jáne Qaraǵandy (409) oblystary boiynsha júrgizildi.
Esterińizge sala keteiik, QR Eńbek jáne halyqty áleýmettik qorǵaý ministri men QR Densaýlyq saqtaý ministriniń 9 sáýirdegi «Densaýlyq saqtaý uiymdarynyń COVID-19 koronavirýstyq infektsiiasyna qarsy kúres jónindegi epidemiiaǵa qarsy is-sharalarǵa tartylǵan qyzmetkerleri atalǵan infektsiiany juqtyrǵan nemese odan qaitys bolǵan jaǵdaida olarǵa birjolǵy áleýmettik tólemdi júzege asyrý qaǵidalaryn bekitý týraly» birlesken buiryǵyna aǵymdaǵy jyldyń 22 shildesinde engizilgen ózgeristerge sáikes, joǵaryda kórsetilgen tólem:
– koronavirýstyq infektsiia nemese virýstyq pnevmoniia juqtyrǵan meditsina qyzmetkerlerine – 2 mln teńge;
– COVID-19 koronavirýstyq infektsiiasyn juqtyrǵannan, virýstyq pnevmoniiamen aýyryp qaitys bolǵan jaǵdaida olardyń otbasyna – 10 mln teńge kóleminde tólenedi.
