QR Ulttyq kardiohirýrgiialyq ortalyǵynyń basqarma tóraǵasy Iýrii Pia koronavirýstan qaitys bolǵandardyń donorlyǵy týraly aityp berdi, dep habarlaidy QazAqparat.
«Men panedmiia kezindegi júrek pen ókpe transplantatsiiasy máselelerin talqylaityn halyqaralyq toptyń múshesimin jáne biz koronavirýstan qaitys bolǵandardyń aǵza múshelerin alý máselesin jii talqylaimyz. Meniń jeke pikirim - ár naýqasty derbes qarastyrý. Organǵa muqtaj adamnyń sanaýly kúni qalsa, bul ota onyń uzaǵyraq ómir súrýine múmkindik berse, táýekel etý kerek. Bul - meniń jeke pikirim. Adam ómirin tipti 1 kúnge uzartýǵa múmkindik berse, bul múmkindikti paidalaný kerek», - dedi Iýrii Pia kardiohirýrgiialyq ortalyqta ótken baspasóz máslihatynda.
Onyń aitýynsha, KVI pandemiiasynan búkil álemde organ transplantatsiiasy máselesi qiyndai túsken.
«Halyqaralyq top múshesi bolǵandyqtan, ózge eldermen aqparat almasyp otyramyz. Kóptegen elder donorlyq organdardy jetkizý shektelgendikten, tutas baǵdarlamany ýaqytsha toqtatty. Al donorǵa muqtaj asa aýyr jaǵdaidaǵy naýqastar áli de bar», - dedi Iu. Pia.
