Koronavirýstan emdelgender aspirindi dárigerdiń ruqsatymen ǵana qoldaný kerek. Bul týraly «Ulttyq ǵylymi kardiohirýrgiia ortalyǵynyń» bólim meńgerýshisi Ainur Táýekelova aitty, dep habarlaidy QazAqparat.
«Koronavirýspen aýyrǵan adamnyń boiyn álsizdik bilep, kúsh-qýaty jetpeitin kúi keshedi. Jumys isteý qabyleti tómendep, uiqysy qashady. Tipti kórý qabileti, estý qabileti, este saqtaý qabileti tómendep, psihikalyq másele týyndaidy. Kúizeliske túsip ketetinder bolady, sondai-aq shash kóp mólsherde túse bastaidy», - deidi Ainur Táýekelova Ortalyq kommikatsiialar qyzmetinde ótken brifingte.
Onyń aitýynsha, koronavirýstan emdelgender aspirindi dárigerdiń ruqsatymen ǵana qoldaný kerek.
«Koronavirýstan emdelgen oń kúnine 1-2 ret aspirin ishetinder bar. Quramynda aspirini bar dárilerdi qoldaný qandai sozylmaly aýrýy bar ekendigine bailanysty. Mysaly, naýqastyń qan qysymy joǵary bolsa – quramynda aspirini bar dárilerdi uzaq ýaqyt boiy ishedi. Al mundai derti joq, biraq qany qatty uiyp qalǵan bolsa – 1-3 ai aralyǵynda ishedi. Qan quramyn únemi baqylap otyrýy kerek. Koronavirýs barlyq sozylmaly aýrýdy qozdyrady. Immýnitet tómendep ketetindikten, qai jeri álsiz – sol jeri aýyratyn bolady», - deidi ol.
