كوروناۆيرۋستان ەمدەلگەندەر اسپيريندٸ دەرٸگەردٸڭ رۇقساتىمەن عانا قولدانۋ كەرەك. بۇل تۋرالى «ۇلتتىق عىلىمي كارديوحيرۋرگييا ورتالىعىنىڭ» بٶلٸم مەڭگەرۋشٸسٸ اينۇر تەۋەكەلوۆا ايتتى, دەپ حابارلايدى قازاقپارات.
«كوروناۆيرۋسپەن اۋىرعان ادامنىڭ بويىن ەلسٸزدٸك بيلەپ, كٷش-قۋاتى جەتپەيتٸن كٷي كەشەدٸ. جۇمىس ٸستەۋ قابىلەتٸ تٶمەندەپ, ۇيقىسى قاشادى. تٸپتٸ كٶرۋ قابٸلەتٸ, ەستۋ قابٸلەتٸ, ەستە ساقتاۋ قابٸلەتٸ تٶمەندەپ, پسيحيكالىق مەسەلە تۋىندايدى. كٷيزەلٸسكە تٷسٸپ كەتەتٸندەر بولادى, سونداي-اق شاش كٶپ مٶلشەردە تٷسە باستايدى», - دەيدٸ اينۇر تەۋەكەلوۆا ورتالىق كومميكاتسييالار قىزمەتٸندە ٶتكەن بريفينگتە.
ونىڭ ايتۋىنشا, كوروناۆيرۋستان ەمدەلگەندەر اسپيريندٸ دەرٸگەردٸڭ رۇقساتىمەن عانا قولدانۋ كەرەك.
«كوروناۆيرۋستان ەمدەلگەن وڭ كٷنٸنە 1-2 رەت اسپيرين ٸشەتٸندەر بار. قۇرامىندا اسپيرينٸ بار دەرٸلەردٸ قولدانۋ قانداي سوزىلمالى اۋرۋى بار ەكەندٸگٸنە بايلانىستى. مىسالى, ناۋقاستىڭ قان قىسىمى جوعارى بولسا – قۇرامىندا اسپيرينٸ بار دەرٸلەردٸ ۇزاق ۋاقىت بويى ٸشەدٸ. ال مۇنداي دەرتٸ جوق, بٸراق قانى قاتتى ۇيىپ قالعان بولسا – 1-3 اي ارالىعىندا ٸشەدٸ. قان قۇرامىن ٷنەمٸ باقىلاپ وتىرۋى كەرەك. كوروناۆيرۋس بارلىق سوزىلمالى اۋرۋدى قوزدىرادى. يممۋنيتەت تٶمەندەپ كەتەتٸندٸكتەن, قاي جەرٸ ەلسٸز – سول جەرٸ اۋىراتىن بولادى», - دەيدٸ ول.
