Koronavirýs pandemiiasy álem boiynsha 25 myń adamnyń ómirin jalmady. Sonyń ishinde Eýropa qatty zardap shekti, ol jaqta osy dertten 17 314 adam qaza tapty. Qazirgi ýaqytta AQSh koronavirýs juqtyrǵandar sany boiynsha Qytaidy basyp ozdy (juma kúni AQSh-ta koronavirýs juqtyrǵandardyń sany 100 myńnan asyp ketti) dep habarlaidy QazAqparat VVS agenttigine silteme jasap.
Koronavirýs saldarynan kóz jumǵandardyń sany boiynsha birinshi orynda Italiia (9 134), odan keiin Ispaniia (4 934) men Qytai (3 292) tur. 2019 jyldyń jeltoqsan aiynan bastap álem boiynsha 600 myńǵa jýyq adam koronavirýs juqtyrǵan. Ótken táýlikte Italiiada koronavirýstan kóz jumǵandar sany 969-ǵa jetti. Italiia biligi jańadan aýyrǵandar sany azaiyp kele jatqanyn, biraq kóz jumatyndar sany budan da kóp bolýy múmkin ekenin aitady.
Ulttyq densaýlyq institýtynyń basshysy Silvio Brýsaferro aýrý juqtyrǵandar sany azaiyp kele jatqanynyń basty sebebi qatań shekteý sharalary qolǵa alynǵandyǵy ekenin aitady.
«Bizde adam ólimi sany boiynsha áli sharyqtaý shegine jetken joqpyz», - deidi ol.
Ótken táýlikte bul memlekette bir táýlikte aýrý juqtyrǵandar sany 712-ge jetken. Italiia Batys memleketteri ishinde alǵashqy bolyp qatań karantin rejimin engizdi jáne adamdardyń úiden shyǵýyn shektedi. Atalǵan memlekette koronavirsýtan kóz jumǵandar sany 4 934 adamǵa jetti.
Ispaniiada aýrý juqtyrǵan 64 059 jaǵdai anyqtaldy. Bul buǵan deiingi kórsetkishpen salystyrǵanda 7871-ge kóp. Ispaniia – aýrý juqtyrǵandar sany boiynsha Italiiadan keiingi ekinshi eýropalyq memleket. Bul memlekette tótienshe jaǵdai rejimi 12 sáýirge deiin sozylyp, eldegi dúkenderdiń, mekemelerdiń jáne kompaniialardyń basym bóligi jabyldy. Ispaniianyń Densaýlyq saqtaý ministri jaǵdai qalypqa kele jatqanyn aitty.
«Búgingi adam ólimi sany keshegige qaraǵanda kóp ekeni ras. Paiyzben alyp qaraǵan kezde búgingi kúni bolǵan ólim sany men sońǵy úsh kúndegi ólim sanymen birdei, bul jaǵdai turaqtalyp kele jatqanyn bildiredi. Biz koronavirýs sebebinen ólýdiń sharyqtaý shegine jetken siiaqtymyz», - deidi Reiter agenttigi.
DDSU-nyń usynysyna sáikes júrsek, iaǵni egde jastaǵy adamdarmen qarymqatynasty 60%-ǵa, qalǵandarymen bailanysty 40% shektesek – koronavirýs juqtyrǵandar sany kúrt ósýin tejeýge bolady. Bul jaǵdaida epidemiia qurbandarynyń sany 20 millionǵa qysqarady. Degenmen, eń jaqsy boljam jasaǵannyń ózinde, koronavirýstan qaza tabatyndar sany 1,3 millionǵa jetýi múmkin. Frantsiianyń premer-ministri Edýard Filipp eldiń shyǵysynda bastalǵan epidemiia Parijdiń shetine deiin jetken. Frantsiiadaǵy aýrýhanalar federatsiiasy Parijdegi aýrýhanalar 24-28 saǵat ishinde naýqastarǵa tolyp qalatyny týraly málimdedi. Orange mobildi qosymshasynyń málimetinde, Parijden 1,2 mln adam ketip qalǵan. Beisenbi kúni Frantsiiada Covid-19 diagnozy saldyranyn 16 jastaǵy qyz kóz jumdy. Ol atalǵan virýstyń eń jas qurbany. Onyń ápkesi bul dert egde jastaǵy adamdarǵa ǵana qaýip tóndiredi degenge senýdi qoiý kerek ekenin aitty.
Pandemiia saldarynan álemdegi ekonomika quldyrap barady. Britaniiada koronavirýstan kóz jumǵandar sany 759-ǵa jetti, bul ótken jolǵy kórsetkishpen salystyrǵanda 181-ge kóp. Aýrý juqtyrǵandar sany ár úsh-tórt kún saiyn kóbeiýde. Pandemiia kezinde aýrý juqtyrǵan 14 543 adam anyqtalsa, sońǵy táýlikte 2885 jańa jaǵdai tirkelgen. Bul týraly Britaniianyń premer-ministri Boris Djonson aitty.
AQSh-ta aýyrǵandar sany kún saiyn ósip keledi. Qazirgi ýaqytta aýrý juqtyrǵandar sany 100 myńnan asyp ketti. Bul memlekette 1300-den astam adam kóz jumdy. Prezident Donald Tramp koronavirýs pandemiiasy saldarymen kúresý úshin trln dollar bólý týraly sheshim qabyldady.
Ońtústik Koreia biligi halyqtan úiden shyqpaýdy ótindi. Ol jaqta aýrý juqtyrǵan jańa jaǵdai sany - 91. Jalpy aýrý juqtyrǵandar sany qazirgi ýaqytta – 9 332. Premer-ministr Chon Se Giýn kóktem shyqqan kezde úide otyrý qiyn ekenin, biraq aýrýdyń taralý qaýpin tómendetý úshin úiden shyqpaý kerektigin aitty.
Dawn gazetiniń habarlaýynsha, Pákistan Premeri Imran Han koronavirýspen kúresetin toptar qurylatynyn, ol top músheleri úiden shyǵa almaityn adamdarǵa azyq-túlik tasitynyn aitty.
Zimbabvede AQSh dollaryn qoldanýǵa ruqsat etildi. Ótken jyly ekonomikany qoldaý úshin sheteldik valiýtalardy qoldanýǵa tyiym salynǵan bolatyn. Bul eldi dúisenbiden bastap karantin rejimi jariialanady
Tanzaniiada jalǵan aqparat taratqan eki adam qamaýǵa alyndy. Olar avtobýs ishindegiá adamdarǵa koronavirýs aýrýy ótirik ekenin dáleldemek bolǵan.
Afrika kontinentinde 3450 adam aýrý juqtyrǵan. Siriia koronavirýs aýrýynyń taralý qaýpnin azaitý maqsatynda turǵyndardyń qala arasynda júrýge tyiym salǵan. Ol jaqta aýrý juqtyrǵandar sany ázirge 5 adam. Virýstyń taralýy olar úshin aýyr soǵýy múmskin, sebebi azamattyq soǵys saldarynan olardyń meditsina salasy álsirep qalǵan. Bul memlekette keshki altydan tańǵy altyǵa deiin komendanttyq saǵat engizildi.
Túrkiiada koronavirýspen aýyrǵandar sany sońǵy táýlikte 2 069-ǵa jetti. Jalpy aýyrǵandar sany - 5 698 chelovek. Bul dertten kóz jumǵandar sany bir táýlikte 17 adamnan 92 adamǵa ósti.
