QR Densaýlyq saqtaý vitse-ministri Ajar Ǵiniiat koronavirýs infektsiiasynyń taralýy jaǵdaiyna qatysty aityp berdi, dep habarlaidy "Ult aqparat".
«Sizderge álemdegi epidemiologiialyq jaǵdaidy eskere otyryp, respýblikadaǵy koronavirýstyq infektsiianyń aldyn alý boiynsha qabyldanyp jatqan sharalar týraly habardar etkim keledi. Álemde aýrýdyń ósýi jalǵasýda. Qazirgi kezde álemniń 216 elinde KVI-dyń 48 mln-nan astam jaǵdaiy tirkelgen, syrqattanýshylyqtyń ósýi – 1 paiyz. 1 mln 200-dei adam qaitys boldy, ólim kórsetkishi – 2,6 paiyz», - dedi vitse-ministr Ortalyq kommýnikatsiialar qyzmetinde.
Onyń aitýynsha, Eýropa men Aziianyń keibir elderinde burynǵysha aýrýdyń ósýi jalǵasýda. Sońǵy aida Germaniiada aýrýdyń taralýy kóbeigeni baiqaldy.
Sońǵy 2 aptada elimizdiń óńirlerinde KOVID-pen syrqattanýdyń ósýi baiqalady.
«Syrqattanýdyń ósýi barlyq óńirde baiqalyp otyr. Ótken aptamen salystyrǵanda aýrý 2,6 ese ósti. Búgingi kúni 14 óńirdiń – Soltústik Qazaqstan oblysynyń, Batys Qazaqstan oblysynyń, Aqmola, Mańǵystaý, Almaty, Atyraý, Pavlodar, Qostanai, Batys Qazaqstan, Shyǵys Qazaqstan, Qaraǵandy oblystarynyń ákimderi, Nur-Sultan, Almaty, Shymkent qalalarynyń ákimderi kúsheitilgen sharalar qabyldady. Kúsheitilgen sharalar qoǵamdyq tamaqtaný obektileriniń toltyrylýyn azaitýǵa, kásipkerlik nemese ózge de qyzmet obektileriniń jáne halyqtyń tynys-tirshiligine qyzmet etetin nysandardyń jumys kestesin qysqartýǵa, shekteý sharalaryn saqtaýǵa, demalys kúnderi qoǵamdyq kólik qozǵalysyn toqtata turýǵa baǵyttalǵan», - dedi vitse-ministr.
