Nur-Sultan qalasy boiynsha koronavirýstyq infektsiianyń taralýyna jol bermeý jónindegi jedel shtab sheshim shyǵardy, dep habarlaidy "Ult aqparat" astana.gov.kz saityna silteme jasap.
«Nur-Sultan qalasynyń aýmaǵynda koronavirýstyq infektsiianyń (COVID-19) taralýyna jol bermeý jónindegi qosymsha sharalar týraly» «Azamattyq qorǵaý týraly» 2014 jylǵy 11 sáýirdegi Qazaqstan Respýblikasynyń Zańyna, «Qazaqstan Respýblikasynda tótenshe jaǵdaidy engizý týraly» Qazaqstan Respýblikasy Prezidentiniń 2020 jylǵy 15 naýryzdaǵy №285 Jarlyǵyna sáikes azamattardyń ómiri men densaýlyǵyn qorǵaý, koronavirýstyq infektsiianyń (COVID-19) taralýyna jol bermeý maqsatynda Nur-Sultan qalasynyń aýmaǵynda karantin jáne tótenshe jaǵdaidyń qoldanylý kezeńinde Nur-Sultan qalasynda koronavirýstyq infektsiianyń anyqtalý jaǵdailarynyń kóbeiýine bailanysty Nur-Sultan qalasy boiynsha koronavirýstyq infektsiianyń taralýyna jol bermeý jónindegi jedel shtab, tótenshe jaǵdaidy joiý basshysy bylai dep ShEShTI:
2020 jylǵy 28 naýryzda saǵat 00.00 bastap: Azyq-túlik, dári-dármekter satyp alý men jumysqa shyǵýdy qospaǵanda, azamattardyń turǵyn úiden shyǵýy shektelsin;
Halyqtyń jappai jinalatyn oryndary (saiabaqtar, shaǵyn baqtar, jaiaý júretin kósheler, jaǵalaýlar, oiyn alańdary jáne t.b.) jabylsyn;
Qoǵamdyq kóliktiń jumysy kezeń-kezeńmen shektelsin;
Kóshelerde jáne ózge de qoǵamdyq jerlerde úsh adamnan artyq toptarmen (otbasy múshelerin qospaǵanda) jinalýǵa tyiym salynsyn; Kámeletke tolmaǵandardy eresek adamdardyń erip júrýinsiz qozǵalýyna tyiym salynsyn.
Nur-Sultan qalasynyń Politsiia departamenti: joǵaryda kórsetilgen talaptardy buzý ne oryndamaýdy anyqtaǵan jaǵdaida tiisti ákimshilik sharalardy dereý qabyldasyn; azamattardyń qoǵamdyq oryndarda, saiabaqtarda, shaǵyn baqtarda jáne t.s.s. bolýyna jol bermeý maqsatynda engizilgen shekteýlerdi saqtaý boiynsha patrýldeý uiymdastyrylsyn; karantin aimaǵyn tolyq qorshaýdy, qalaǵa kirý múmkindigin boldyrmaýdy qamtamasyz etsin.
«Nur-Sultan qalasynyń Ishki saiasat basqarmasy» memlekettik mekemesi astana turǵyndary arasynda juqtyrý oshaqtaryn oqshaýlaýdy jáne onyń taralý qaýipterin meilinshe azaitýdy qamtamasyz etýge arnalǵan shekteý jáne áleýmettik oqshaýlaý boiynsha qabyldanatyn sharalardy buqaralyq aqparat quraldarynda aqparattyq súiemeldeýdi, adam men azamattyń, qoǵam men memlekettiń qaýipsizdigin qamtamasyz etýge baǵyttalǵan sheshimderdiń mańyzdylyǵyn ashyp kórsetýdi júrgizsin.
Osy sheshimniń oryndalýyn baqylaýdy ózime qaldyramyn. Osy sheshim oǵan qol qoiylǵan kúnnen bastap qoldanysqa engiziledi.
