Qoǵamdyq densaýlyqty nyǵaitý ortalyǵynyń basshysy Jazira Emberdieva koronavirýs infektsiiasymen aýyryp jazylǵandarǵa 5 paidaly keńes aitty, dep habarlaidy "Ult aqparat".
QR DSM Qoǵamdyq densaýlyq saqtaý ulttyq ortalyǵy, qoǵamdyq densaýlyqty nyǵaitý ortalyǵynyń basshysy Jazira Emberdieva koronavirýsty infektsiiamen aýyrǵan adamdarǵa myna keńesterdi usynady:
1. Kún saiynǵy tynys alý gimnastikasy. Dem alýdy–dem shyǵarýdy baqylaý arqyly qarapaiym jattyǵý jasaý. Olardy otyryp ta, tósekte jatyp nemese shalqaiyp otyryp ta jasaýǵa bolady. Aýrýdan keiin organizm áli de kúsheimegendikten, jattyǵýdy shamadan tys kóp jasamańyz, júktemelerdi birtindep arttyrǵanyńyz durys. Tynys alý gimnastikasy ókpeniń qalypty jumys isteýine yqpal etedi jáne ony ottegimen qanyqtyrady.
2. Taza aýada kún saiyn serýendeý. Jaiaý júrý gaz almasýdy jaqsartady jáne koronavirýs infektsiiasynan soń jáne organizmniń uzaq ýaqyt álsireýinen keiin sizge óte qajet kúsh qýat beredi.
3. Durys tamaqtaný kerek! Organizmge aqýyz, mailar jáne kómirsý qajet. Kókónis pen jemis-jidek mol bolatyn jazda solarǵa kóbirek mán berińiz. Táttilerden de bas tartpańyz (tek belgili bir kólemde) – olar kóńil-kúiińizdi jaqsartady.
4. 7-8 saǵattan kem bolmaityn tolyqqandy uiqy. Uiyqtardyń aldynda bólmeni mindetti túrde jeldetý kerek jáne 2 – 3 saǵat buryn tamaqtanǵan durys. Bul tez qalypqa kelýińizge kómektesedi.
5. Strestiń jáne úreidiń aldyn alý. Qazir barlyǵymyz – aýyrǵandar da, aýyrmaǵandar da stress jaǵdaiyndamyz. Atalǵan infektsiianyń ereksheligi gipoksiia, otteginiń jetispeýi. Bul qorqynyshtyń jáne depressiianyń alǵysharty bolýy múmkin. Mundai jaǵdaida psihologten keńes alýyńyzǵa bolady. Ol sizge alańdamaýǵa jáne senimdi bolýǵa keńes beredi. Álde jaqyn adamdaryńyzben qarym-qatynasty kúsheitińiz, tabiǵat aiasyna shyǵyńyz, D vitaminin arttyrý úshin kúnge kúiińiz, oń emotsiia tezirek qalypqa kelýge kómektesedi.
