Koronavirýspen syrqattanýshylyqtyń 58 paiyzy 3 óńirge tiesili. Bul týraly QR Densaýlyq saqtaý vitse-ministri – Bas memlekettik sanitar dáriger Erlan Qiiasov aitty, dep habarlaidy QazAqparat.
«Naýryz aiymen salystyrǵanda sáýir aiynda syrqattanýshylyqtyń ósýi Aqmola, Qostanai, Pavlodar jáne Soltústik Qazaqstan oblystaryn qospaǵanda, barlyq óńirlerde baiqalady. Bul rette el boiynsha syrqattanýshylyqtyń 58 paiyzy 3 óńirge, atap aitqanda Nur-Sultan jáne Almaty qalalary men Almaty oblysyna tiesili», - dedi vitse-ministr Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, qalyptasqan jaǵdaidy eskere otyryp, barlyq óńirlerde áleýmettik-ekonomikalyq nysandardyń jumysyn shekteý ólshemsharttaryna sáikes qosymsha shekteý sharalary qabyldanýda.
