Búgingi tańda elimizde koronavirýsty emdeý úshin «Gidroksihlorohin» dárisi qoldanylady. Bul týraly Ortalyq kommýnikatsiialar qyzmetinde ótken eldegi koronavirýstyq infektsiia boiynsha aǵymdaǵy jaǵdai, sonymen qatar Qazaqstandaǵy vaktsinalardyń sapasy men satyp alýlary týraly brifingte aityldy, dep habarlaidy "Ult aqparat".
«Búgingi tańda Qazaqstanda Covid-19-dy emdeý protokolyna sáikes enterovirýsty preparattardan bastap antibiotikterge deiin birqatar preparat qoldanylady. Olar óz nátijeliligin kórsetti. Atalǵan dári-dármekterdiń bári Dúniejúzilik densaýlyq saqtaý uiymynyń usynymymen alyndy. Apta saiyn jańa dári-dármek qosylyp, keibiri qoldanystan alynyp jatady», - deidi DZSUO Bas direktory, Basqarma tóraǵasy Arnur Nurtaev.
Onyń aitýynsha, búgingi tańda elimizde koronavirýsty emdeý úshin «Gidroksihlorohin» dárisi qoldanylady.
«Bul preparat aýyryp jatqandardyń belgili bir tobyna jaqsy áser etýde. Bári de ony durys taǵaiyndap, durys mólsherde qoldanýǵa bailanysty», - deidi ol.
