QR Densaýlyq saqtaý ministri Eljan Birtanov koronavirýs infektsiiasyna qarsy immýnitet týraly aityp berdi, dep habarlaidy QazAqparat.
«Óte mańyzdy aqparat: koronavirýs infektsiiasymen aýyrǵan adamdardyń boiynda oǵan qarsy immýnitet bolady. Jańa infektsiia bolǵandyqtan, ázirge bul immýnitettiń qanshalyqty bolatynyn aita almaimyz. Ǵylymi jinaqtaǵy derekterge súiensek, qandai da bir immýndyq qaitarym, antideneler bolady. Bekitilgen hattama boiynsha, em-dom sońynda naýqasqa polimerazdy-tizbekti reaktsiia ádisimen eki ret virýsqa testileý júrgiziledi jáne 14 kúnge úi karantinine jiberiledi», - dep jaýap berdi ministr Ortalyq kommýnikatsiialar qyzmetinde tilshiler saýalyna.
Sonymen birge ministr Qazaqstannyń Dúniejúzilik densaýlyq saqtaý uiymymen birlesip, aýrýdyń tiimdi terapiiasyn irikteý boiynsha jahandyq meditsinalyq zertteýge qatysa bastaǵanyn aitty.
