Respýblikada 28 730 tósek-oryn qory bar 275 infektsiialyq statsonar jumys istep tur. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Osy jyldyń 6 sáýirindegi jaǵdaiǵa sáikes, KVI-ge shaldyqqan naýqastarǵa meditsinalyq kómek kórsetý úshin respýblikada 28 730 tósek-oryn qory bar 275 infektsiialyq statsonar jumyldyrylǵan. Infektsiialyq statsionarlardyń tolýy 36, reanimatsiialyq statsonarlardyń tolýy 22 paiyzdy quraidy. Infektsiialyq tósek-orynǵa eń kóp júkteme Batys Qazaqstan, Almaty oblystarynda, Nur-Sultan men Almaty qalalarynda baiqalady», - dedi Aleksei Tsoi.
Onyń atap ótýinshe, Densaýlyq saqtaý ministrligi óńirlerdegi árbir medtsinalyq uiymdaǵy tósek-oryn tolymdylyǵyna monitoring júrgizýdiń elektrondy júiesin ázirlegen. Bul der ýaqytynda áreket etýge qosymsha statsionarlar ashýǵa múmkindik beredi.
«Óńirlerde jumys istep turǵan statsionarlardyń júktemesi 70 paiyzǵa jetken jaǵdaida infektsiialyq tósek-oryndar jasaqtaý jospary bar. Infektsiialyq tósek-oryn rezervi 51 myńnan 60 myńǵa deiin arttyryldy. Rezervtegi nysandar da jumyldyrylatyn bolady. Buǵan qosa, josparly mamandandyrylǵan meditsinalyq kómek kórsetý de jalǵasa beredi», - dedi ministr.
